TAHADHARI HII HAICHUKULIWI –MAJANGA MENGI.

Unapoambiwa chukua tahadhari-nia ni kuepuka majanga.

Kuna mambo ambayo tumeambiwa kuchukua tahadhari ila unayapuzia au wengine hawayajui.Baadhi ya mambo ambayo nimejaliwa kukuletea ni haya mawili;

(i)           “Jihadharini na wanadamu…” Mathayo 10:17a

(ii)         “Jihadharini na manabii wa uongo, watu wanaowajia wamevaa mavazi ya kondoo, walakini kwa ndani ni mbwa-mwitu wakali” Mathayo 7:15

Nawatambuaje?

Sasa jinsi ya kuwatambua hawa wanadamu hatari/ndugu wa uongo/mbwa mwitu, Pamoja na manabii wa uongo ni rahisi sana, wala haiitaji uwe mtu wa karama fulani au nabii.

Jinsi ya kuwatambua ni kuangalia matendo yao kwa macho kabisa ya kibinadamu ambayo unayo.

(Mathayo 7:16 &18 Mtawatambua kwa matunda yao. Je! Watu huchuma zabibu katika miiba, au tini katika mibaruti?

18 Mti mwema hauwezi kuzaa matunda mabaya, wala mti mwovu kuzaa matunda mazuri.)

Unaona utakua unaona matendo yao, mtu mwema hawezi kufanya matendo maovu, pia mtu mbaya hawezi kufanya matendo mema. Mtu mbaya ataigiza igiza matendo mazuri ndio kuvaa mavazi ya Kondoo lakini ndani ni mbwa mwitu, siku moja atakutolea undani wake/uumbwa mwitu ndio majanga yanapokukuta-ndio maana utakuta mtu anakuambia hunijui eee, yaani humjui kuwa mbwa mwitu. Wengine huwa wanasema nitakutolea uvivu, yaani uumbwa mwitu. Ni sawasawa na kufuga Simba-siku nyingine unakua unacheza naye, ila siku akikutolea usimba ni majanga.waliofuga Simba baadhi yao waliuuwa na Simba wao na wengine kukoswa koswa.

Ndio maana bado tunasisitiziwa “Na adui za mtu ni wale wa nyumbani mwake.” Mathayo 10:36.

Kuanzia sasa mtu yeyote, awe rafiki yako, jirani yako, baba yako, mama yako, mwalimu wako, dada, kaka, mjomba, shangazi, babu, bibi, bosi, mtoto wako mchungaji wako, na yeyeyote anayejiita nabii, mtathimini matendo yake kujua kama ni mbwa mwitu au ni nabii wa uongo.

Unapotathimini unaweza angalia mambo haya, ingawa unaweza angalia na mengine mengi:-

-Mtu huyu anaishije na jamii iliyo mzunguka kama majirani zake, je anawapenda au ni mtu wa ugomvi ugomvi, mkali mkali, ana chuki amekunja kunja uso, siri ni kwamba roho iliyondani ya mtu unaweza ichungulia haraka kupitia uso wa mtu ulivyo, macho yake yalivyo na vitu vingine kama matendo, ongea, mavazi, utembeaji n.k.Kaini kabla ya kumuua ndugu yake Habili, Mungu aliona uso wake, akamwambia mbona uso wako umekunjamana-akamwambia iko dhambi mbele inakuotea.  Sasa unapomtathimini mtu ukiona kadosari hata kadogo weka alama kubwa ya kiulizo. (“Yeyote aliye mwaminifu katika mambo madogo, atakuwa mwaminifu katika mambo makubwa; na yeyote asiye mwaminifu katika mambo madogo, hatakuwa mwaminifu katika mambo makubwa”-Luka 16-10)

-Pili, Mtu huyu anaishije na familia yake yaani mke wake, mume wake, watoto wake-Je ametelekeza, ana amani nao. Ukiona ipo shida kaa nae kwa makini/chukua tahadhari hata kama ni bosi wako.

-Tatu, Mtu huyu anaishije katika mazingira ya kazi, kikundi, taasisi,ukoo, chama au biashara-ukiona ni mgomvi mgomvi, matusi, yeye ni chanzo cha matatizo migogoro katika kila eneo-mtu huyo jihadhari nae.

-Nne, Ukiona mtu mzinzi, ana tamaa tamaa kila kitu akiona anatamani,ana tamaa sana ya pesa, mshirikina-uwe makini/jihadhari nae.

(1 wakoritho 5:11 Lakini, mambo yalivyo, naliwaandikia kwamba msichangamane na mtu aitwaye ndugu, akiwa ni mzinzi au mwenye kutamani au mwenye kuabudu sanamu au mtukanaji au mlevi au mnyang’anyi; mtu wa namna hii msikubali hata kula naye).

Najua ukitulia bado unaweza pata mambo mengine:-

Madhara gani unaweza kuyapata usipochukua tahadhari-

Kwa sababu watu wanaofanya matendo ya jinsi hiyo wako kwenye utawala wa shetani-na shetania nia yake ni mauti/kuua kwa hiyo usipochukua tahadhari

Ndoa yako yaweza kuuliwa, watoto wako, uchumi wako, kampuni yako, elimu yako, kazi yako, biashara yako, afya yako, mwili wako kufa kabisa na roho yako kukosa uzima ya milele.

(Mwivi haji ila aibe na kuchinja na kuharibu; mimi nalikuja ili wawe na uzima, kisha wawe nao tele – Yohana 10:10)

-Ndio maana unakuta sehemu nyingine mchungaji kabisa katembea na mke wa mtu-tatizo mume hakuchukua tahadhari, au mke hakuchukua tahadhari au walikutana wote mchungaji na huyo mke wa mtu wote wameharibika/wameoza/ni mbwa mwitu/ni ndugu wa uongo/ni manabii wa uongo kwa hiyo wakakubaliana.

-Au unakuta kaka anambaka mtoto wa dada yake.

Watu wa jinsi hii huwa haitokei tu lakini huwa anakua na viashiria ambavyo vinaonyesha huyu ni mbwa mwitu, ndugu wa uongo au nabii wa uongo.

Hiyo ni mifano michache ila yako mambo mengi mabaya ambayo watu wametendewa kwa sababu ya kutochukua tahadhari.

“Watu wangu wanaangamizwa kwa kukosa maarifa” Hosea 4:6a.

Kuanzia sasa mtu yoyote mfanyie interview kwa kumpima-usikubali kuwa karibu au kujiunganisha na mtu bila kumpima na kuona kama anafaa kuwa karibu na wewe.

Hata mashirika au taasisi mbalimbali kabla ya kumuajili mtu, humpima yaani kumfanyia interview kama anafaa, na baada ya hapo hata akionekana anafaa humpa miezi mingine michache ya kumuangalia kama anafaa, akivuruga wanamuondoa.

Unaona hatari hii –sasa unapoendelea kuangalia upande wa pili, endelea kujitathmini na wewe, je na mimi nina tabia hizi ambazo hazikubaliki-basi unajirekebisha kabla watu hawajachukua tahadhari dhidi yako.Ndio maana kuna watu wengine- watu wanachukua taadhari ya kuwakopesha fedha, wanaambiana usimkopeshe huyo.lakini kumbe bado yako mambo mengi ya kuchukua taadhari.

Nifanye nini ili kuchukua tahadhari?

Inategemeana na hali utakayoiona mwenyewe na kuchukua baadhi ya njia hizi chini, japo unaweza pata njia nyingine zaidi;

i-Kujitenga na watu wa jinsi hii.

1 wakoritho 5:11 Lakini, mambo yalivyo, naliwaandikia kwamba msichangamane na mtu aitwaye ndugu, akiwa ni mzinzi au mwenye kutamani au mwenye kuabudu sanamu au mtukanaji au mlevi au mnyang’anyi; mtu wa namna hii msikubali hata kula naye.

ii-Kuwa na busara na kuwa mpole.

-Mathayo 10:16 “Angalieni, mimi nawatuma kama kondoo kati ya mbwa-mwitu; basi iweni na busara kama nyoka, na kuwa watu wapole kama hua”.

-Mathayo 5:5 “Heri walio wapole, maana watairithi nchi”.

iii-Kuombea.

-Yakobo 5:16b “ kuombeana, mpate kuponywa. Kuomba kwake mwenye haki kwafaa sana, akiomba kwa bidii”.

Muombee huyo mtu mwenye shida hiyo abadilike.Kemea pepo linalomsumbua na kuwa na tabia hiyo isiyofaa mpaka limuachie huru.

iii-Peleka habari njema.

Ukiona watu hao wanaweza kukusikiliza waambie habari njema, wengine wanafanya kwa kutokujua, wape mwanga wapo baadhi au wote wanaweza geuka na kuwa wazuri na sio Mbwa mwitu

-Yohana 17:17 “Uwatakase kwa ile kweli; neno lako ndiyo kweli”

Maneno yanatakasa yanamtenganisha mtu na roho chafu zinazomuandama.

www.mtibora.blogspot.com