JIFUNZE HAPA KULA MATUNDA YA ULIMI WAKO

Mauti na Uzima vi kinywani mwako.

Mithali 18:21

21 Mauti na uzima huwa katika uwezo wa ulimi; Na wao waupendao watakula matunda yake.

Mara nyingi binadamu amejiloga mwenyewe kwa kutumia ulimi wake vibaya

Kujitamkia maneno mabaya. Mfano mimi mjinga, mimi msahaulifu, mimi mbovu n.k

Kuanzia sasa tumia ulimi vizuri kujitamkia mema ili ule matunda yake, sema mimi nimebarikiwa, moyo wangu ni mzima, figo zangu ni nzima, afya yangu haina matatizo, watoto wangu wamebarikiwa, mimi nina akili, mimi nina kumbukumbu  n.k penda kujitamkia maneno haya mara kwa mara.

Sehemu nyingine mwanadamu amelogwa kwa kudanganywa, mfano Ugonjwa huu hautibiki, mwanamke nyoka, ndoa ndoano n.k kwa kudaganywa huku mtu mwingine amejikuta akiamini na kutamka, basi inakua kama anavyotamka. Wengine wamekua wakisema, wewe unataka kuingia kwenye ndoa, sisi tunataka kutoka bwana.

Sasa hali hii imekua ikimuaminisha mtu mwingine na kutamka.Kumbe hao waliokumbana na ugumu wa jambo hilo ilikuwa kwa ajili ya matatizo yao wenyewe, sasa wamekua wakiwaaminisha hata watu ambao hawana matatizo na na watu hao wamekua wakiamini na kutamka hivyo nao kupelekea kupata matatizo yanayofanana.

Kwa hiyo watu wenye mazoea/experience mbaya wanawapandikiza vitu potofu

Watu wengine.

Kuna rafiki yangu alikua kusoma nchi za nje, alimuacha mke wake Tanzania, sasa wanafunzi aliokutana nao huku wanaotoka nchi nyingine kutoka Afrika, nao wameacha wake zao nchini kwao, wakawa wanamshauri rafiki yangu kutembea/kufanya uzinzi na wanawake wengine wakimuaminisha kuwa wanawake si waaminifu kwa hiyo mke wake hawezi kumsubiri, nae anatembea na wanaume wengine huko aliko.

Sasa huo ni mfano halisi ya jinsi watu wenye uzoefu mbaya/bad experience wanataka kuaaminisha matatizo yaliyowatokea kuwa ni hali ya ujumla, usipokua makini unaweza amini na kuharibu mambo yako. Sasa hivi ndivyo binadamu alivyodanganywa katika mambo mengine mengi, kutoka kwa watu wenye uzoefu mbaya/watu waliokumbana na mambo mabaya kutokana na tabia zao mbaya wenyewe.

Ukweli wa maneno ni sawa na MBEGU njema, lakini adui amewavizia watu wengi amepanda MAGUGU yaani amepotosha ukweli wa neno.mfano badala ya kusema ndoa ni kitu chema, sasa watu wanasema ndoa ngumu ni kama ukuta mkubwa ambao watu wanatamani watoke wanashindwa.

Angalia neno hapo chini;

Mathayo 13:24-25

24 Akawatolea mfano mwingine, akisema, Ufalme wa mbinguni umefanana na mtu aliyepanda mbegu njema katika konde lake;

25 lakini watu walipolala, akaja adui yake akapanda magugu katikati ya ngano, akaenda zake.

Kuanzia sasa usiseme;

-Usiseme wanawake nyoka, utapata matatizo kwenye ndoa yako.Neno linasema mke ni msaidizi tena ni zawadi kutoka kwa Mungu.

-Usiseme ndoa ngumu,Neno linaona ndoa ni njema ni kanisa na iheshimiwe.

-Usiseme ugonjwa huu umeshindikana, neno (mbegu njema) inasema hakuna linaloshindikana kwa Mungu.

-Usiseme mtoto huyu ameshindikana. neno (mbegu njema) inasema hakunalina loshindikana kwa Mungu. Kazi yako ni kumtamkie mototo mema ili ale matunda ya ulimi wako.

-Usiseme vyuma vimekaza utakwama kweli. Neno linasema huendelea toka nguvu hata nguvu, maana yake hakuna kukwama wala kudumaa, mambo yanavyozidi kuwa magumu wewe utaendelea juu tu. Mfano enzi za Nuhu, nchi ilivyozidi kujaa maji watu wanakufa Nuhu ndivyo alivyozidi kwenda juu na safina.

-Uwe makini kutumia kinywa na uwe makini katika mazungumzo. Mtu anaweza kukulaani bila yeye kujua. Mfano bahati mbaya mwanzoni mwa mwaka mtu anaugua, rafiki yake anakuja kumpa pole kwa nia nzuri, anasema pole rafiki yangu huu mwaka mbaya kwako, inabidi usikubali, usiseme asante, sema hapo hapo kwa upendo "nafuta usemi wako kwa damu ya Yesu"

Sasa tumeangalia sehemu chache ila ziko nyingi.

Unaona hapo chini, tumia kinywa vizuri.

Mithali 18:7

7 Kinywa cha mpumbavu ni uharibifu wake, Na midomo yake ni mtego wa nafsi yake.