Wasikukatishe tamaa watu wanaoonekana kama wana mafanikio huku wakiwa na mwenendo mbaya.

Duniani tunaishi kama tunacheza movie/filamu.Binadamu wamepewa uhusika mbalimbali.Wengine wamepewa uhusika mbaya ili wawaimalishe wale wenye uhusika mzuri.Kwa hiyo mtu anaweza kuwa mbaya lakini akawezeshwa kuwa na uwezo wa mali na nguvu ili kumsukasuka mtu mwema na mtu huyu kujichunguza alipokosa na kumrudia Mungu, lakini yeye huyu mtu mbaya mwisho wake ni mbaya tu.Taifa la Israel kila lilipomkosea Mungu, Mungu aliwainua maadui zao na kuwaonea Israel, si kwamba adui wa Israel walifanya mema na kuinuliwa na Mungu, bali Mungu alitaka kuwarudisha Israel karibu na Mungu.Kweli walipotubu Mungu aliwarudia na kuwashinda adui zao.

Sehemu nyingine mungu anasema usipotenda maagizo yake atakulaani na kukuletea taifa ambalo haliangalii makunyanzi na kukuonea na kula mali ya nchi yako na kukusukasuka mpaka uangamie.Hapa Taifa hili geni linainuliwa kuwa na nguvu na kukuonea si kwamba limetenda mema bali limewekwa katika uhusika mbaya chini ya jua.

Vivyo hivyo kuna watu mmoja mmoja ambao wanakua wamefanikiwa alafu wanatenda mambo mabaya hao wanakua wamewekwa katika uhusika wa watu wabaya chini ya jua , wengine wanaoneka dhahiri wakitumia mali zao kuwaonea watu, watu hawa usiwaige wamewekwa katika uhusika mbaya chini ya jua na miisho yao ni mibaya.

Pia shetani ana watu wake ambao huwapa mali ili kuimarisha utawala wa shetani duniani.Watu wa jinsi hii hufanikiwa lakini uhusika wao ni mbaya kwani hutumia mali walizo nazo kufanya matendo maovu/dhambi yanayoimarisha ufalme wa kishetani duniani.Shetani ana mali tena kimaandiko ni mungu wa dunia.Alimwonyesha Yesu Milki/Mali zake akamwambia ukinisujudia nitakupa milki hizi,Yesu alijua kisheria zilikua za shetani kwani alimdanganya mwanadamu wa kwanza akachukua milki yote aliyokabidhiwa, basi Yesu akamjibu imeandikwa msujudie Bwana Mungu wako na si mwingine.Shetani akamuacha malaika wakaja kumtumikia.Wewe umepataje kazi,mali,tenda kwa kumsujudia shetani kupitia kutoa au kupokea rushwa? Sasa shetani hawezi kuondaka na malaika hawawezi kukutumikia.Kama ulifanya hivyo ulikuwa hujui, tubu kwa Mungu alafu usirudie tena.

Angalia neno hili chini linavyoonyesha jinsi mtu mbaya anavyoweza inuliwa kutumiwa kama fimbo ya laana pale mtu wa Mungu anapokosea.

Kumbukumbu la torati 28:15,49,50,51,52

-15 Lakini itakuwa usipotaka kuisikiza sauti ya BWANA, Mungu wako, usiyaangalie kufanya maagizo yake yote na amri zake, nikuagizazo hivi leo, ndipo zitakapokujia laana hizi zote na kukupata.

-49 BWANA atakuletea taifa juu yako kutoka mbali, kutoka ncha ya dunia, kama arukavyo tai; taifa usiloufahamu ulimi wake;

-50 taifa lenye uso mkali, ambalo haliangalii uso wa mzee, wala halipendelei kijana;

-51 naye atakula uzao wa ng’ombe wako wa mifugo, na uzao wa nchi yako mpaka utakapokwisha kuangamizwa; wala hatakuachia nafaka, wala divai, wala mafuta, wala maongeo ya ng’ombe wako, wala wana-kondoo wako, hata atakapokwisha kukuangamiza.

-52 Naye atakuhusuru katika malango yako yote, hata kuta zako ndefu, zenye maboma, ulizokuwa ukiziamini, zishuke, katika nchi yako yote kila upande; naye atakuhusuru katika malango yako yote kila upande, katika nchi yako yote aliyokupa BWANA, Mungu wako.

Basi usiyumbishwe ndugu yangu.Vumilia endelea kufanya mambo mazuri ya kumpendaza usizimie moyo, Mungu atakubarki kwa wakati wake.Endelea kujifunza na kuongeza maarifa, huenda kuna sehemu ndogo sana unakosea.Mungu anasema watu wangu wabaangamia kwa kukosa maarifa.