Usifanye dhambi makusudi na kutegemea kutubu ni Hatari.

WAEBRANIA 10:26-27

26 Maana, kama tukifanya dhambi kusudi baada ya kuupokea ujuzi wa ile kweli, haibaki tena dhabihu kwa ajili ya dhambi;

27 bali kuna kuitazamia hukumu yenye kutisha, na ukali wa moto ulio tayari kuwala wao wapingao.

WAEBRANIA 6:4-6

4 Kwa maana hao waliokwisha kupewa nuru, na kukionja kipawa cha mbinguni, na kufanywa washirika wa Roho Mtakatifu,

5 na kulionja neno zuri la Mungu, na nguvu za zamani zijazo,

6 wakaanguka baada ya hayo, haiwezekani kuwafanya upya tena hata wakatubu; kwa kuwa wamsulibisha Mwana wa Mungu mara ya pili kwa nafsi zao, na kumfedhehi kwa dhahiri.

Rafiki yangu usitende dhambi kwa makusudi alafu ukasema nitarudi kutubu ni Hatari, Mungu atakuacha bila kujijua.

Hapo nyuma ulitenda dhambi kwa makusudi na kwenda kutubu, Mungu amekusamehe kwa sababu ulikuwa ujafunuliwa neno hili, sasa leo amenena nawe ana kwa ana kupitia neno lake kwa hiyo usirudie tena mchezo huo ni hatari sana. Mungu ni mkali kwenye dhambi, hapendi dhambi anaweza kukuacha bila kujua.

Samson aliachwa bila kujua, wafilisti walipokuja aliinuka apigane nao akitegemea ana nguvu zake kama kwaida (ana MUNGU),  alishangaa anashindwa mpaka wafilisti wakamtoboa macho.

Mbaya zaidi wewe unaweza ukaachwa bila kujua, siku ya mwisho/kifo chako unashangaa unakokwenda ni kwingine (yaani Jehanamu), Unauliza jamani huku ndio Mbinguni –Kilio na kusaga meno.

MUNGU amekuonyesha leo anza upya rafiki yangu.

Maisha ya Duniani ni mafupi sana, ukiishi sana umeishi siku 30,000 ambazo ndio miaka 82.

Maisha baada ya siku 30,000 kama hujafa ni ya taabu tu.Sasa usirudie dhambi tena ili maisha yako ya milele (Yaani Mabilion na mabilioni ya miaka yasiyo na mwisho) yasiwe katika mateso ya moto bali yawe ya FURAHA.